USDP Party Cu Chak Tlaitu Party Kan Si: MP Van Thawng
The Chinland Post| 2018 June 16| Atu lio kan Kawlram nih a herh ngai mi cu chaktlai tu party hi a herh ngai ve mi a si tikah USDP party cu chaktlai tu party an si tiin mizapi nih an hmuh mi a si. Cucaah kan party cu chaktlai tu party kan si tiah MP Van Thawng nih June 15 Thantlang peng USDP party chungtel a thar cohlannak tuah ni ah a chim.
NLD cu cozah an si bantuk in a chaktlai tu cu kan mah USDP party, ZCD, le CNDP mah pathum hi kan si. Cu chak tlai tu party kha a thawn ngai ve a herh. A tu bantuk in USDP party minung thar cohlannak kan tuah mi zong hi chaktlai tu party a thawnnak a si ti ka hmuh caah kaa lawm. Chak tlaitu party cu kan peng, ramkulh le kan ram pumpi zongah a herh mi a si.
Thantlang peng chungah USDP party hi 5000 reng lo kan um ti ka theih i sangthen pathum zongah ah hin thawngngai in kan um ko tiah ka hmuh. Cucaah chak kan i tlaih tung i dor tuk in maw kan tlaih rengtuk lopaw in dah kan tlaih timi zong ruah a hau ve. Chak tlai tu dirhmun ah kan dir tak maw timi pumpak kan i chek a hau fawn i chak tlaitu hi kan rak biapi tuk fawn.
“Ramkhel timi cu sungh zulzal zong a si lo bantukin awn zungzal zong a si fawn lo. Ni nikhat ahcun chak tlaih mi party kan si vete lai. Hmai lei ah kan kal khawh lo hmanh ah hnulei a tolh mi kan si lo kha kan i zuam cio a hau.” tiah MP Van Thawng nih a chim.+++
About The Author
