Van Bawi Hmun Nih CPC Zuamcawh Champion Laksawng Ks. Sing 25 A Co

0

Salai cung cung|2018 October 27|  Hakha ah Chinland Paih Championship (CPC) tawlrelnak in tuahmi zuamcaawh champion final ah Hakha Khuathar in Tawk Hre le Sakta in Van Bawi Hmun an kai i Van Bawi Hmun nih a tei caah champion laksawng ks. Sing 25 (2,500,000) le taisawm a co.

“Hi paih zuamnak caah hin CPC nih paih cawnnak an tuahmi ah ka cawng ve. Tu bantuk in teinak ka hmuh hi kaa lawmtuk. Hmailei zong ka pai peng rih ko lai. Zuamcawh a ka duhmi paoh zuamcawh khawh ka si tiah CPC zuamcawh paih Champion Van Bawi Hmun nih The Chinland post ah a chim.

Mang Hnin Thang

Chinland Paih Championship zuamcawh pakhatnak ah Sakta in Van Bawi Hmun, zuamcawh pahnihnak ah Hakha Khuathar in Tawk Hre (ks. 300,000 le trophy), zatlang paih Champion ah Hakha Khuathar in Mang Hnin Thang (ks. 1,000,000 le taisawm), Minung 17 in tambik a tengtu cu Hakha Khuathar in Tha Hlei Cung (ks. 300,000 le trophy) an si. Tha Hlei Cung nih minung 17 a tei man ah minung pakhat ah ks. 5000 in a zapi ks. 85,000 a hmuhchih fawn. Hakha Khuathar in Tluang Zel nih minung 14 a tei ve hna tiah kan theih.

“Tu tiang paih zuamnak kan tuahmi cu ka ruah ning leng in kan tlamtling. A hmun ah minung a zohtu hi a thong deng an si. Cun ramchung ramleng online chung live kan thlahmi zong minung tampi nih an cawk, cun a zohmi zong an tam. Hi paih zuamnak cu kumkhat ah voihnih a tlawm bik tuah kho u sih ti ka duh. Si kho sehlaw Chin Miphun Pi ni CND paih ah khin kanmah nih tuanvo la kho usih law laksawng pawl zong kha kanmah nih tawlrel dih i thutdan man le live thlah man tibantuk hi kanmah caah si ve seh ti kan duh. Tutan CPC nih paih zuamnak kan tuahmi hi zeihmanh hnahnawh buaibainak um lo tein le khawndennak um lo, tlamtling tein kan dih kho” tiah Salai Lungthli Tum nih TCP ah a chim.

Hi Chinland Paih zuamnak ah hin zuamcaawh minung pakhat tei ah 25,000 a si i zatlang paih minung pakhat tei ah 5000 pek an si.

About The Author

Na ruahning rak langhter ve.. (Leave a comment)

%d bloggers like this: