Vanlei kahdohnak ruangah Paletwa khuami 500 leng India lei ah an zaam

0

The Chinland Post | 2022 September 5 – Chin ramkulh, Paletwa peng chung Myeikwa khuate pawng, September 2 ah SAC ralkap nih van in a kah ruang le hriamngan a kah ruangah khuami 500 leng India lei ah an zaam tiah Paletwa peng ralzaam bawmtu nih RFA ah a chim.

Kahdohnak ruangah mipi a thimi an um lo nain Myeikwa khua ah hohmanh um ti loin an khua ning piin an zaam dih tiah a chim.

Myeikwa khuate cu Chin ramkulh, Matupi pengkomh, Paletwa peng ah a ummi a si i milu 700 deng khua an saknak a si. A luancia 2017 November thla zongah SAC ralkap le AA karlak kahdohnak ruangah an rak zaam bal cang.

UN OCHA zong nih Paletwa peng ah kahdohnak a chuak i khuami thong tampi nih innlo an zaamtak nain ralzaam cazin bel a fiang in fehter khawh a si lo tiah September 1 ah a thanh.

About The Author

Na ruahning rak langhter ve.. (Leave a comment)

%d bloggers like this: