Vawlei Pumpi Nih Khap A Si Mi Cluster Munition Coalition (CMC) Bomb Cu Chinram Telh In Ramkulh 4 Ah SAC Ralhrang Nih A Hmang
Salai Mangpau | September 3, 2023 — Vawlei pumpi nih an khap mi bomb thei pakhat chung in thei tampi a puak kho ṭhan mi Cluster Munition Coalition (CMC) bomb cu SAC nih uknak a lak hnu ah Chinram, Karenni-Kayah ram, Karen ram, Shan ram tiah rankulh 4 ah a hman ti in Cluster Munition Coalition (CMC) nih August 31 ah cathanhnak an chuah.
2022 July thla ah Chin ramkulh, Mindat peng chung vanlawng bomb thlaknak ah Cluster bomb a hman ruang ah khuachung mipi a thi mi le hliamtuar mi an rak um tiah Zalen media nih a chim.
A hring (colour) rawng bomb pawl ah Mirang ca le Thailand ca in tial mi a um caah Thailand ram ah ser mi a si ko lai tiah CMC nih an zumh.
Myanmar ram ah a luancia kum 10 lio ah atu Cluster bomb record a rak um bal nain atu lio bantuk in Cluster bomb hmannak le serchuahmi a rak um lo.
Ramchung ah cluster bomb hi 2021 kum in 2023 kum June thla tiang ah ramchung hmunkip vawlawng bomb thlaknak hmun pawl ah hmuh khawh a si.
Cluster bomb an hman tik ah cheukhat bomb thei cu puah lo in vawlei tang ah caan sau a um hnu ah a puak mi bomb a si caah mipi ruah lo tak in thihnak le hliamtuar mi an um.
Myanmar ram hi mah bantuk cluster bomb hman lo ding kong ah 2008 kum hnatlaknak min a rak thut duh lo mi ram pakhat a tel.
