Vawleicung Ah A Zalong Bikmi Ram Pawl

City Hunter| 2018 Tho 11| Ramkip (International) nih zalonnak le zalonlonak hi, cu ram i nuhrin covo le thinlung lei humhimnak tibantuk pawl hrambunh in an si. Atu langhtermi ram hna cu freedom house i 2017 kum hlathlainak hmuhchuahmi ning in vawleicung ah a zalong bikmi ram pawl an si.

1. Norway, Sweden, Finland
Zalonnak a tlingmi ram hna lakah dirhmun sang bik a phanmi cu North Europe ram pawl an si. Zeiruang ah ti ahcun hi ram pawl hi media zalonnak, rammi hna cung ah runven zohkhenhnak pek khawhnak, zeitik caan paoh ah cozah he aa pehtlaimi thawngpang (information) pawl hngalh khawhnak le biaknak lei zalonnak ruang ah an si.

2. Canada , Netherlands
North America ram a simi Canada ram le nitlak Europe ram a simi Netherland ram hi zalonnak tling a ngeimi ram pawl cazin ah a pahnihnak dirhmun a si. Zeiruang ah ti ahcun Canada ram ah ziknawh eihmuar umlonak, media zalonnak ruang ah a si i Netherlands ram tu cu rammi le media (reporter) cung ah a zatawk in zohkhenhnak pawl an tuah ruang ah a si.

3. Uruguay, Australia, New Zealand
Australia, New Zealand ram hna he South America ram a simi Uruguay aa telnak tu hi cu khuaruahhar ngai a si. Zeiruang ah ti ahcun Uruguay ram hi a zalongmi ramkhel lungput/hmuhning i khahlonak le party kar i zuamcawhnak pawl a cohlan pin ah ziknawh eihmuarnak zong a um set lo tiah hlathlainak an hmuhchuahmi ning in theih a si.
Australia ram tu cu Internet speed a ran tuk ruang le a dang thilri pawl an standard a sang tuk ruang ah a si. New Zealand ram tu cu News and Media zalonnak hi a dang pawl nakin a langh khun ruang ah a si.
Ref: www.worldatlas.com

Na ruahning rak langhter ve.. (Leave a comment)

%d bloggers like this: