Vawleicung University Tha Bik Yale Nih $70,000 Pekchih Ding In David Standley An Cohlan Cang

TCP-Hakha| 2019 May 8| Vawleicung University tha bik le minthang bik lakah aa telmi Yale University nih Laipa David Standley cu kumkhat ah scholarship $70,000 pekchih ding in an cohlan cang tiah Pu Vanceuuk nih The Chin Voice page ah a tanglei bantuk in a tial.

* THAWNGPANGHA TAKTAK *

By-Vanceuuk Khenglawt

Vawleicung University ṭha bik le minthang bik lak i ai telmi @YALE UNIVERDITY@ nih Lai khal fapa @DAVID STANDLEY@ hi kum khat ah scholarship $70,000 pek chih in an cohlan cang tiah thawng theih a si. Hi hlei thawngtha hi kan miphun caah a um kho ti lai dek maw. Amak ko.


David Standley hi Pu Than Tling, Farrawn, Thantlang peng le Pi Grace Lalzui Lian, Lung Hawh khua, Falam peng i an fapa a si. Lafayette High School, Louisiana ah taang 12 (senior) a kai lio si. Tukum May ah high school hi a dih ding si. University a sawkmi chungin Yale University nih hin an cohlan cang i kum khat i a dih dingmi $70,000 hi scholarship in pek an timh. Standford University zong nih an cohlan zumh a si. Atu tiang ah Lai/Chinmi chungin Yale University ah a kai hmasa cem dingmi a si. Media/Film lei cawn ai tim tiah theih a si.

China mirum (billionaire) le US mirum (millionare) pawl nih cun Standford, Harvard, le Yale University tbt. i an fale an kai khawhnak ding ah hin$6.5 million dih in zik an nawh hna i an kaiter hna. Kan Laipa DAVID STANDLEY tu hi cu fang khat hmanh dih lo bak in kum khat ah $70,000 renglo schokarship tu pek chih in kaiter an timhmi si i phundang i chim ahcun million $7 renglo an pek ti khawh si.


Pathian nih kan nau/fapa David Standley hi lam hruai seh law kan miphun caah bochan awktlaak pasalṭha siter hram seh. Lunglawmhpi nak chim cawk lo he.. Vanceuuk Khenglawt

Leave a Commnet

%d bloggers like this: