Vice President; Chinram Thanchonak Rian Ah Tangka Nakin Quality Biapi Deuh Ah Chia Uh

Tawk Tling Thang | 2019 April 30| Chin ramkulh thanchonak rian tuannak ah tangka in quality kha biapi deuh ah chiah ding in Chinram  a rak tlawngmi rampi Vice President Henry Van Thio nih Chin ramkulh cozah bu le zung riantuantu hna ton biaruahnak ah biacahnak a ngeih hna tiah kan theih.

Hi kong he pehtlai in Chin ramkulh Social Affair Minister Pau Lun Min Thang nih, “ Tutan Vice President Henry Van Thio Hakha a phak ah mizapi he ton biaruahnak kan ngei kho. Chin ramkulh cozah bu le zungkip riantuantu upa cheukhat lawng he ton biaruahnak kan ngei kho. Zungkip le tuanvo ngeitu upa hna nih kan riantuanning fianternak le kan chambaunak chimphuannak kan tuah cio. Cu chung ah Vice President nih ruahnak cheuhnak le riantuan dingmi a kan chimh. A biapi in a chimmi cu Chinram thanchonak riantuannak ah tangka nakin quality hi biapi deuh ah chiah in an tuan lai ti in bia a kan cah” tiah The Chinland Post ah a chim.

“Ramkulh chung rian nan tuannak ah chambaunak nan  ngeih ahcun thil siningte in ramkomh cozah sin ah thawng kan thanh colh uh. Cun, ramkulh cozah le ramkomh cozah kan i pehtlaihning hi a thazaang der deuh. Cucaah, naihniam deuh le thawng deuh in pehtlaih khawh i zuam cio cang usih. Ramkulh cozah nih tuahnak nawl nan ngeihmi kha mizapi caah man ngeite in riantuan khawh i zuam uh a kan ti” tiah a biapeh ah a chimchih.

Na ruahning rak langhter ve.. (Leave a comment)

%d bloggers like this: