Vice President Henry Van Thio Le Mizoram Ramkheltu Pu Lalduhawma Tonbiaruahnak An Ngei

0

The Chinland Post| 2018 August 7| India- Mizoram in ramkhel thiamsang pakhat a simi Pu Lalduhawma nih Myanmar ram Vice President Henry Van Thio cu July 31, Naypyidaw ah tonbiaruahnak a ngeih. Ramhnih sipuazi thanchonak ding kongkau biaruahnak an ngei.

Mizoram ah a ummi Zoram Nationalist Party (ZNP) chairman zong a si i Zoram Peoples’ Movement (ZPM) nih Chief Minister caah thim an timhmi Pu Lalduhawma cu Kalay ah tuahmi Chin Miphun Lungrualnak Forum ah khual dirhmun in an sawm i caan a hmaan dih hnu ah atu bantuk in Naypyidaw ah Vice President he ton biaruahnak an ngeih hi a si.

Cuti tonbiaruahnak an ngeih lio ah Mizoram khualipi Aizawl in Kalay, Tedim-Falam le Hakha kar hmanlung bus pawl kal khawhnak ding, Aizawl-Chin ramkulh le Kalay kar vanlawng lam kalternak ding kong ceihmainak an ngei.

Cu pin ah Lusai le Hualngo miphun tengnge ngakchia pawl cawm dingmi sianginn curriculum cauk (text) pakhat chuah khawhnak ding le Khampat Bungpi kilvennak ding kongkau zong an i ceih chih tiah theih a si.
Ref: Khonumthung

About The Author

Na ruahning rak langhter ve.. (Leave a comment)

%d bloggers like this: