Vice President Henry Van Thio Nih Hakha Hmun A Biapimi 7 A Zoh
Salai Cung Cung|2019 April 30| Tutan Myanmar rampi Vice President Pu Henry Van Thio Chinram a rak tlun- Hakha ah hmun biapimi a zohmi 7 cu a tanglei bantuk in a si.
Tutan Hakha a phak ah hmun a biapimi a zohmi hna cu; Hakha college convocation hall and Library, Nauhrinternak sianginn, Hakhathar cyclone shelter, Tayar hluttaw zung, Haithlam zaanglek sianginn, Hmundawrva (kokek ral kilvennak) le Sii-inn an si.
“Myanmar Vice President nih Hakha Sii-inn ihkhun 500 cu cunglei ah kan chimhpiak hna lai a kan ti. Hakha town Planning caah bawmh khawh tawk cu kan in bawmh ko hna lai nain zeizat si lai ti cu a fiang rih lo. Cun Hakha khuachung lam pawl le dinti kong zong kan chimh nain a hnu ah kan in ruahpiak than te hna lai a ti. Chin ramkulh cozah nih rian nan tuan tikah quality tha tein zoh hmasa hnu ah rian nan tuan lai. Timit dinti kong zong tha tein chekfelnak nan tuah lai ti in bia a cahtak hna” tiah Chin ramkulh Sipin Director hlun Pu Thla Hre nih The Chinland Post ah a chim.
Vice President le ramkomh cozah bu riantuantu hna cu April 29 chun ah Hakha an phan i Chin ramkulh hluttaw guest house ah an riak. April 30 zingka ah Hakha-Taungkhayan (Hakha-Hmandaw) lam zohfel pah in a kir.
Tutan Vice President khuallam cu Mindat, Kanpetlet, Cindwe, Matupi, Surkhua, Thantlang le Hakha khuapi lawng ah motor in a tlawng. Tutan hi avoi 4nak Chinram a rak tlawn a si tiah kan theih.
About The Author
