Vietnam Ram GMS Meeting Ah Vice President Henry Van Thio Le Tuluk Ramleng Minister A Dangte In Biaruahnak An Ngei

City Hunter| 2018 April 1| Vietnam ram ah tuahmi GMS (Greater Mekong Sub-region) meeting ah Myanmar ram aiawh in Vice President Henry Van Thio a kai i biarocah (speech) chimnak zong a ngei kho. Hi meeting a kai tan ah Tuluk ram in ramleng lei pehtlaihnak minister he zong a dangte in ton biaruahnak an ngei kho.

Hi GMS meeting ahhin a ralaimi kum 5 chung ah dollar 66 billion chawphumnak tuahding in lungtlinnak an ngei. Asia Development bank (ADB) nih 7 billion a chuah lai i a tangmi cu ram 6 cozah in sipuazi tuahtu hna nih an chuah cio ve lai. Tutan GMS meeting a kai khomi cu Camboadia, Lao, Myanmar, Thai, Vietnam le Tuluk an si. Hi meeting ah sipuazi rian nganpi a ngeitu minung 200 hrawng an kai kho.

Mekhong tiva thluanpi sipuazi i komhnak (GMS) program cu ADB nih 1992 kum in a thawk i chungtel ram hna nih innsaknak le rian dangdang tampi tuannak caah chawva le IT lei fimthiamnak in an bawmhchanh.

Tutan GMS meeting ah Myanmar ram Vice President Henry Van Thio nih Myanmar ram aiawh in biarocah (speech) chimnak zong a ngeih.

GMS meeting a dih hnu ah Tuluk ram in ramleng lei minister le Vice President Henry Van Thio cu a dangte in ramhnih kar pehtlaihnak a that chinchinnak ding kong i ceihmainak an ngei. Tuluk nih Myanmar ramchung remdaihnak le miphun tunmernak a dirpimi cung ah siseh, Myanmar le Tuluk hmunkhat te ah ramri remdaihnak tuanti a duhnak kong le Rakhine ramkulh a hnu bik thil sining kong Vice President Henry Van Thio nih a chim.
Cun, Tuluk ram in ramleng minister nih Rakhine ramkulh kongkau hi Myanmar le Bangladesh ramhnih dawremte in nan tawlrel lai ti ka zumh i ramkip zong nih a thami dirhmun a phaknak ding ah thatnak a panhmi cawlcanghnak an tuah cio awk a si tiah a chimchih.

Hika ah Vice President Henry Van Thio biarocah chimmi Kawlca in rel khawh a si. http://www.president-office.gov.mm/?q=briefing-room/news/2018/03/31/id-13659
Ref: VOA, Xinhua News

Na ruahning rak langhter ve.. (Leave a comment)

%d bloggers like this: