VP Henry Van Thio Nih Hakha Zaanglek Cawnnak Sianginn Caah Sing 15 Man Thilri A Hlut
Salai Cung Cung|2019 April 30| Myanmar ram Vice President Henry Van Thio nih Hakha zaanglek celhnak le cawnnak sianginn caah thilri ks. Sing 15 man thilri a hlut hna tiah kan theih.
“Myanmar ram Vice President Pu Henry Van Thio nih Hakha zaanglek cawnnak sianginn caah a herhmi thilri Pumpululh, Chinlung le a dangdang a herhmi tete ks. sing 15 man a hlut” tiah Hakha zaanglek zung lutlai Pu Jacob nih The Chinland Post ah a chim.
Hakha zaanglek cawnnak sianginn cu Myanmar ram Vice President Pu Henry Van Thio le Chin ramkulh Chief minister, Hluttaw speaker Pu Zo Bawi le a dang minister cheukhat nih April 30 ah innkil lung bunhnak an ngei. Hakha zaanglek sianginn cu khuapi chung in meng khat tluk a hlatnak, rili in pe 4130 a sannak Haithlan Tilionak pawng 56.94 ekah a kaumi hmun ah an sak lai.
Hakha zaanglekcelhnak le cawnnak sianginn le siangngakchia umnak inn cu ks. 909 renglo dih in kumthum chung ah lim ding in an sak lai. Hihi Chin ramkulh ah a hmasa bik sakmi zaanglekcelhnak le cawnnak sianginn a si. An sak dih tik ahcun tlengpernak, fawi khawhnak, boxing, Judo, Karate tibantuk lentecelhnak pawl cawn le chimh an si lai tiah kan theih.
Hakha zaangleknak sianginn cu 2020 thawk in kai hram an thawk cang lai i taang 8 in taang 10 kar minung nu 60, pa 60 kai khawh a si lai. Hi sianginn ah cawn khawh ding pawl cu phun 5 a si lai i a kaimi paoh alak in kaiter an si lai tiah kan theih.
About The Author
