Wah miphun minung (174) Khrihfa ah an lut
Salai Bawi Lian Sang/TCP-Kalay| March 28, 2020, VOA Burmese News nih “Mah tein Uknak nawl a ngeimi Kawlram Chaklei um Wah miphun mi (174) cu Khrihfa an lut i tipil innnak an ngei” tiah Free Burma Rangers bu cherhchan in a chim.
Kawlram ah Wah miphun chung in mi tam deuh hi Nat (Khuachia) bia mi an si caah Khrihfa zumtu namneknak an ngeih ko bu in Wah miphun kar ah Khrihfa biaknak lei a lutmi le luh ding lungthin ah a um ngai cang tiah an chim chih.
Khrihfa hna umnak khuate ah thianghlim in an um, khuachia riantuannak, khuachia namnak le thiltha lo zong Khrihfa sin ah a tlun lo caah a tuban tuk in biaknak dang kan i thial hnu zong ah an sin ah Khuachia riantuannak tha lo kan hmu lo tiah Khrihfa biakinn a thial mi Wah mi pakhat nih a chim.
Wah miphun Khrihfa Pastor John Sanae hi Wah miphun sin ah Pathian rian a tuannak kum (37) a si cang i, tukum 2020 January thla ah Wah miphun mi (169) cu Khrihfa biakinn ka luhter khawh hna tiah an chim. A luan cia kum (25) ah Wah ram chung ah Khrihfa biak inn (77) a dirh pi khawh hna tiah Free Burma Rangers phu nih an chim.
Credit: VOA Burmese News
About The Author
