Waimaw Um SAC IB 321 KIA Nih An Hrawh
The Chinland Post | 2024 August 22 — Kachin ram, Waimaw khua ah KIA le dothlennak phu pawl nih an lak mi SAC IB 321 cu an hrawh dih cang tiah kahdohnak hmunhma um mi pawl chim mi cherhchan in People’s Spring nih a langhter.
Waimaw-Banmaw lam ah a um mi IB 321 cu a luancia May 21 ah KIA le dothlennak phu pawl nih an lak khawh i battalion tual chung um inn vialte cu July thla ah an hrawh dih tiah an langhter.
Cuka hmun ah hmunhma an khuar ahcun SAC nih vanlei in kahdohnak a tuah khawh mi a si caah an hrawh dih hi a si tiah an langhter.
IB 321 lak kahdohnak ah SAC lei ralbawi pakhat hruainak in ralkap cheukhat KIA sin ah an i fonh. Kahdohnak chung ah SAC ralkap a thi mi an tam i LIB 58 ah a zaam mi zong an um tiah theih a si.
Waimaw ah ralkap nih fek tein hmunhma a khuar nak hi IB 321 le LIB 58 an si i SAC ralkap nih LIB 58 cu ṭha tein ven ding aa zuam tiah theih a si.
About The Author
