Wallay kahdohnak ah SAC ralkap 61 an thi

The Chinland Post | 2022 March 28 – Myawaddy peng, Walkay kahdohnak ah SAC ralkap 61 an thi tiah Cobra rianngeitu pakhat nih Mizzima ah a chim.

Kahdohnak a chuahnak hi Karen National Union (KNU) battalion-6 nih a tlaihnak humhma a si.

“SAC ralkap pawl an raa lai timi thawngpang kan theih caah an ratnak lam cung in bom kan hmanh i kan kah hna hi a si. Bom an i lamhmi he kan mah lei sniper phu nih an kahmi hna he a si caah an fak ngai. An thazang 300 hrawng an si lai. Tuzing zohfelnak kan ngeih cun a cheu ruak pawl cu an lak cang” tiah Cobra riangeitu pakhat nih a chim.

Kahdohnak chungah SAC hriam phun 40 hrawng kan chuh khawh hna tiah a chim.

Laykaykaw rak tan in Phlu lei Wallay ah raltuknak a rak tuahmi SAC ralkap pawl cu March 27 ah Cobra phu nih an kah hna hi a si.

Wallay kahdohnak cu zing sml 9:00pm in zaanlei sml 4:00pm tiang a rau.

Kahdohnak chungah SAC ralkap a thimi an tam caah Mi 2 helicopter,  Mi 35 helicopter pahnih in voihnih kah an rak bawmh hna nain him tein kan kir kho tiah kahdohnak chungtel pakhat nih a chim.

KNU battalion-6 hmunhma a simi Laykaykaw le Kawkareih peng chungah SAC nih thazang an chap caah Myawaady-Kawkareih le Myawaddy-Wallay lamcung hna cu pal rih loding in March 27 ah KNU nih cathanh a chuah.

Na ruahning rak langhter ve.. (Leave a comment)

%d bloggers like this: