Waw Peng, Latpan Khua SAC Ralkap Pawl Kahdohnak Ah 1 A Thi, Meithal 1 An Lak Khawh
The Chinland Post | 2023 September 26 — Bago ramṭhen, Waw peng, Latpan khua ah a um mi SAC ralkap pawl an kah hna i 1 a thi, meithal 1 an lak khawh tiah Dothlennak phu pawl nih an thanh.
September 26 zinglei sml 8:43am ah Waw peng, Latpan khua tlangcung ah a um mi SAC ralkap le pyusawthi pawl cu dothlennak phu pawl nih an kah hna i SAC ralkap 1 a thi, pyusawthi 2 an i hliam leng ah meithal zuun 1 an lak khawh tiah theih a si.
Kahdohnak chung in G-3 zuun 1, kuanbawm 4, 7.62 kuan 62 le Grenade 1 hna an lak khawh.
Kahdohnak a dih hnu zinglei sml 10:00am hrawng ah Kyaikto hrambunh SAC hriamngan ralkap 301 nih 81MM hriamngan lung 6 an kah i Waw peng, Paukdan khuate ah a tlak caah facang lo a rawk.
