Wetlet ah SAC ralkap phuh (2) PDF nih an kah hna
The Chinland Post | 2023 March 2 — Sagaing ramṭhen, Wetlet peng ah a rak lut mi SAC ralkap phu 3 chung ah phu 2 an kah hna i a thi mi an tam tiah PDF phu pawl nih an thanh.
February 28 zinglei sml 11:00am hrawng ah Hladaw khua in a chuak mi SAC ralkap 100 leng cu bomrap lung 3 in an puah hnawh hna i 3 an thi, 4 fak ngai in an i hliam tiah GZ Special Task Force sin in thawng theih a si.
Cubantuk in Mohsuchung tlanglawng dinhnak ah thazang 90 leng in a rak lut mi SAC ralkap pawl cu Royal Phoenix Guerrilla phu le Moelay PDF phufonh nih bomrap lung 10 in voi 3 an puah hnawh hna tiah theih a si.
Cun SAC ralkap pawl Mohsuchung khuate an phak ah an kah ṭhan hna i SAC ralkap 2 nak tlawm lo an thi tiah Royal Phoenix Guerrilla phu nih an langhter.
March 1 ah hmunhma zohfelnak an ngei i raltuknak thilri le tangka a lak khawh tiah theih a si.
About The Author
