Wetlet Peng Ah SAC Ralkap Nih A Bu In Mi An Thah Hna
The Chinland Post | 2023 July 7 — Sagaing ramṭhen, Wetlet peng, Tamayo khua in Shwepan khualei ah ṭhaw-la-gyi in tisik anhnah a zuar mi minung 7 cu SAC ralkap nih a bu in an thah hna tiah Khit Thit nih a langhter.
July 6 zinglei sml 4:00am hrawng ah Tamayo khua in adang khuate lei ah thilzuar aa thawh mi pa 3 le nu 4 hna cu SAC ralkap nih an kham hna i an kah hna. Cuhnu ah Tamayo khua ah an lut i hriamngan le meithal an puah sawh caah khuami 6 an i hliam tiah a langhter.
Mipi 7 a thattu SAC ralkap pawl nih kutokaing khua mipi inn 1 zong an khangh chap tiah a langhter.
