Wetlet peng sakhaan lak kahdohnak ah hriamtlai 1 a nunnak a liam

The Chinland Post | 2022 October 18 – Wetlet peng, Shwepankone khua ah a ummi SAC palek sakhaan cu PDF phufonh nih lak ding in an kah hna i kaphnih lei in a thi mi an um tiah a thanh.

October 17 zinglei ah Wetlet peng Shwepankone khua ah a ummi SAC palek sakhaan cu 96 Soldier-PDF, Red Peacock phu, Minphyoshin phufonh nih sakhaan lak kahdohnak an tuah tiah theih a si.

Kahdohnak sml pakhat hrawng a rauh hnu ah SAC ralkap nih vanlei in a bawmh caah PDF phufonh pawl an kir ṭhan tiah an thanh.

Kahdohnak chungah 96 Soldier-PDF phu in hriamtlai 1 a nunnak a liam, SAC lei in 2 an thi i 6 fak piin an i hliam tiah an thanh.

Na ruahning rak langhter ve.. (Leave a comment)

%d bloggers like this: