Christmas Laksawng Caah Motor Alak In Hlanh Khawh A Si
Salai Cung Cung |2018 December 6| Christmas laksawng caah Hakha khuachung um, dam lo ruang ah motor hlan awk le hlannak tangka a ngei lo mi van sang au in sii-in kalnak le sii-in tinnak ah harnak a tong-mi pawl caah alak tein December 5 in 24 tiang Sii-inn kal ca le tinnak caah motor hlan khawh a si tiah kan theih.
“Tu hi avoi khatnak Christmas laksawng caah tiin kei mah pumpak in ka tuah mi a si. Hakha khua chung um mi Decem-ber 5 in 25 kar a zawfak mi sii-inn um kalnak a van a sang mi pawl hna caah tiin ka tuah mi a si. Pehtlaihnak caan hi zing 8am in zaanlei 5 tiang ka ti. A ru-ang cu keimah hi zaan ah cun kaa manh tuk lo, thlacaamnak le pumhnak hna ah kal ka duh caah a si. Asinain, a van sang tuk mi hna an um sual i kaa manh caan te he aa ton sual ah cun zaan 10 tiang zong a ngah ko lai. Hmailei kong pehzulh ding hin cun ka chim kho rih lo” tiah Pastor F. Za Thang nih The Chinland Post ah a chim.
Nihin 2018 December 5 in December 24 kar Halkha khuachung um dam lo ruan-gah motor car a vansang i sii-inn chiah hau le sii-inn in inn tinnak ah nan herh sual ahcun Christmas laksawng caah 09400302809 le 09442000134 ah bawmh hal khawh kan si lai tiah a Facebook ah a post.
“Keimah hi motor ka ngeihnak hi kum 2 chung a si ve cang. Abianabia ah Cycle kan ngei hlan ah mi hnulei tein kan va cit hmanh khi kan va lawm tuk. Cun mo-tor kan vun ngeih hlan ah kan herh lio i motor hlan a har zia kha ka theih i cucaah mi tampi sin kan bawmh khawh lo hmanh ah Sii-inn ke kal le tin a har sa mi zawnruahnak he kan hawile motor ngeimi pawl zong nih tuah kho cio hna u si law a tha tuk lai. Tu hi kan rum, kan ngeih ruang ah tinak a si lo. Kan rak ngeih hlan i a herh mi um caan ah kan vansan zia kha ka phlih kho lo i mizapi caah ka tuah khawh lo hmanh ah Hakha khuachung mizaw Sii-inn umkalnak caah tiin ka tuah mi hi a si tiah a chim chap.
Pastor F. Za Thang hi Hakha Olive Baptist Church ah Church pastor a tuan lio mi a si tiah kan theih. +++
About The Author
