Yange Khua Ah A Lut Mi SAC Ralkap Mawṭaw 2 An Kah Hna, 5 An Thi i 2 An I Hliam
The Chinland Post | 2023 August 16 — Taninthary ramṭhen, Thayatchaung peng ah a um mi Yange khua chung ah mawṭaw 2 he a rak lut mi SAC ralkap pawl cu voi 2 an kah hna i SAC ralkap 5 an thi tiah Dawei Information Center nih a langhter.
August 14 chun sml 12:00pm hrawng ah Yange khuapawng, Mwe tlang ah hmunhma a khuar mi SAC ralkap pawl nih khuate pawl chung ah mawṭaw 2 in an luh caah kahdohnak voi 2 a chuak tiah theih a si.
Kahdohnak mins 20 tluk a rau i dothlennak phu lei him tein an kir ṭhan kho i SAC lei 5 an thi, 2 an i hliam tiah theih a si.
Kahdohnak chung ah Kasedokya Company 2, C3 le Patitalone Guerrilla phu C1 hna bawm in kahdohnak an tuah tiah theih a si.
