Yangon Ah Hlan Lio Hmanthlaknak 500 Hrawng Hmuhsaknak Tuah Aa Tim Mi Pa
Salai Elvis| 2018 April 5| Rangon khuapi chungah hlan lio hmanthlaknak (Camera) a hlun pawl phun 500 tluk mizapi hmuh khawh dingin hmuhsaknak (Museum) tuah cu kawlpa pakhat nih tuah dingin timhtuahnak a ngeih tiah theih a si.
Hi hmuhsaknak tuah khawhnak dingah a hlan lio hmanthlaknak (camera) pawl a khawmhsuat lio i a si. Vawlei ramkip nih hmanthlak lei ah a lung kalmi paoh nih zoh khawh ding in timhtuahnak a ngeih hi a si.
Hi bantuk in ASIAN ram chungah hlan lio hmanthlaknak (museum) hmuhsaknak hi Malaysia (Penang Camera Museum) timi pakhat lawng a um i ramdangmi hna nih an zoh i an hlathlai duh ngainak hmun pakhat a si.
Cu bantuk in Kawlpa nih amah pumpak tein hlanlio Camera le Camera hmanthlak hna le hman awk a tha ti lo mi hlan lio Camera tiang in a khawmh hna i mizapi hmuhsaknak tuah dingin timhtuahnak a ngeih lio pi a si.
Hi Camera hmunhsaknak tuah a timhmi chungah a hlan lio Kawlram chung Thawnglatu Hanta-wady U Win Tin nih a rak hman mi Camera zong hmuhsak dingin aa tel ve. Vawlei cungah Camera hmuhsaknak (Museum) hi hmun 14 tluk ah a um cang tiah theih a si.
Ref: Irrawaddy
About The Author
