Yangon In Siibawi Thiamsang Hna Nih Hakha Ah Alak In Mizaw An Zoh Lai                                                           

Salai Cung Cung|2019 March 11| Yangon Siibawi thaimsang (Professors) pawl nih Hakha Sii-inn ah mizaw alak in an zoh hna lai. March 14 (cawnnilini) Hakha Sii-inn OPD ah min pek a si lai i zoh caan March 17 chunhnu  1:00 in a thaizing  chunhnu 1:oo tiang  zoh a si lai tiah theih a si

“March 17 chunhnu 1:oo in a thaizing  chunhnu 1:00 tiang  a dam lo mi zoh caan a si lai i mah lio aa piah duh mi paoh cu March 14 (cawnnilini) Hakha Sii-inn OPD ah min pek a si lai. Major pa 6 an rak tlung lai i an mah a bawmtu ding he an zapi minung 21 an rak tlung lai. Khuate um siseh khuapi um siseh March 14 chun nitlak Hakha Sii-inn OPD ah min cazin pek khawh a si lai. Zoh man le khuaihlai a haumi pawl  cu alak in a si lai i sii pawl tu hi Sii-inn ah a um lomi cu mah tein i cawk a si lai. Mizaw hi an um zat in an zoh hna lai, rikhiah mi a um lo. Hi bantuk in rat an i timhnak a ruang cu a bik in sifak santlai lomi Yangon-Mandalay lei a kal kho mi pawl caah tiin an mah nih rak tawlrel mi a si. Hakha an zoh dih in Falam, Tedim lei zong ah an kal rih lai” tiah Hakha Sii-inn Lutlai chan Dr. Mang Biak Kung nih The Chinland Post ah a chim.

Hakha ah a rak tlung dingmi  mzaw zohtu siibawi pawl  cu, OG, Ngakchia siibawi, Tamadaw, Surgeon, Ruh siibawi, Lunglei Siibawi an si tiah kan theih.

Nu paoh kum 25 in kum 64 tiang nau-inn lei zawtnak ngeih le ngeih lo chek khawh a si. Sii-inn nih ngeihmi sii paoh alak in pek an si lai i a um lo mi kha mah tein i cawk a si lai tiah kan theih.

Na ruahning rak langhter ve.. (Leave a comment)

%d bloggers like this: