Yangon Khuachung Ah Rul (Lim) A Tam Hi  Zeiruang ah A Si Hnga

Salai Bawi Lian Sang| TCP-Kalay| November 25, 2020| Yangon khuachung ah November 12 -23 ni tiang Miza pi umkalnak Lam le Innhmun ah Rul hmun(7) ah Lim rul an hmuh.

Lim rul phun mahbantuk in an um cu an umnak vawlei tang ah thlennak pakhatkhat ruang ah le ei-din kawl duh ah an hun chuak mi a si kho tiah pawngkam zohkhenhtu lei nih an chim.

“Mahbantuk thil sining hi ralring ahau.Pawngkam caah harnak liampi a um kho. A bik in vawlei tang ah zei dah a cang ti theih a si kho rih lo. Hmailei caan ah tha a thawngmi lihnih a um kho ruang ah maw? Hmailei Ti a reu kho ruang ah maw? Thil tampi theih rih lo  mi a chuak kho mi a si” tiah pawngkam zohkhenhnak lei thiamsang Daw Dewai Tanh Sin nih a chim.

Myanmar vante le pawngkam zohkhenhbu Chairman Dr. Thein Aung nih cun, “rul an hun chuak hi ei-din ruang ah a si kho. Ni khua can ruang ah a si ah cun saram dang zong an um kho hlei lai lo. Tahchunhnak ah vawlei tang um mi saram phun Cangcel, Zu bantuk an rak chuak cio ko lai”   tiah a chim chap.

Yangon khuachung Rul an hmunhnak peng chung in Mayaingkune peng ah hmun(4) ah Lim rul pahnih le rul dang pa(2) kan hmunh tiah Myanmar ram Meithah zung nih an chim.

Rulhmuhnak hmun

  1. November 12 ni Mayaingkune peng No.(7) sang, Kabaaye phaya lam, Nawade lam um, innhmun chung ah rul pakhat( a sau pe (8) le a liam lemah(10)  liammi Lim rul
  2. November 13 ni Kamayut peng No.(7) sang, Innhlia lam innhmun chung ah rul pakhat
  3. November 16 ni Yankin peng, No. (12) sang, Thitsa lam No. (12) sang uktu zung kam ah Rul a sau pe(3) le a liam lemah(3) rul pakhat
  4. November 17 ni Mayaingkun peng, No( 10) sang, Innhlialet lam cung ah a sau pe(15), a liam pekhat rul pakhat
  5. November 18 ni Teikkyi peng, Shansuh sang, Sangbat(1)lam um innchung ah rul pakhat
  6. November 21 ni Mayaingkun peng, No. (8) sang, Wintayahkhihtah lam um innchung rul pakhat
  7. November 21 ni Mayaingkun peng No.(8)sang, Wintayahkhihtah lam um innchung rul pakhat

Crd/ Mizzima Burmese

Na ruahning rak langhter ve.. (Leave a comment)

%d bloggers like this: