Yangon Khuapi Ah Ngeihkhat Aa Duh Mi Hna Lawmhnak Puai An Tuah

0

Aung Aung| 2018 January 30| Myanmar ram chung ah ngeihkhat (nu le nu, pa le pa) aa duh mi pawl nih a hmasa bik lawmhnak puai cu January 29, Yangon khuapi chung Takhin Mya pangpar dum an an tuah. Cu puai cu “&Proud” tiah a min an pek lencelhnak le zaanglek zuamnak a phun phun zong an telh chih tiah theih a si.
Mirang pen lio (British) chan ah ngeih khat aa duh mi cu ningcang lo thil a si tiin khamnak caah upadi Pohmah 377 an rak ser. Nihin tiang zong ah Myanmar Cozah nih ngeih khat i thitum nak cu phung ning in a onh hlei lo.

Nai hrawng kan ram ramkhel thlihran a hun i dan deuh bantuk in tlawm te zalon nak zong cu a um. Zalong tein chimrel nak, zatlang mibu caah hmunhma pek deuh nak ti bantuk tete a um pah nain ni tiang tiang ngeih khat aa duh mi aa thium mi hna cu thleidan, thlanglamh le serhsat zomhtaih an tong rih ko tiah minung covo lei rian tuan mi pawl nih an chim.

Tu hi ngeih khat aa duhmi hna lawmhnak puai an tuah mi ahhin minung 6000 tluk an chuak kho i nikum ah khan France Culture Center ah an tuah lio ahhin minung sang hnih in sang thum kar tluk an rak i tel kho.

February 1-4 tiang ngeih khat aa duhmi hna lawmhnak puai cu nili chung France Culture Center ah an tuah than lai tiah theih a si.

Ref: RFA Burmese

About The Author

Na ruahning rak langhter ve.. (Leave a comment)

%d bloggers like this: