Yangon Mayor titoihnak mandat bom puah a tong

The Chinland Post | 2022 April 8 – Yangon ramṭhen City Hall hmai ah an sakmi titoihnak mandat pawng ah April 8 zaanlei sml 4 luan hrawng ah bom in puah hnawh an tong tiah mipi nih RFA ah an chim.

“Ka mawṭaw City Hall a lonh bak ah bom puah thawng a thang.Cu bak in Traffic Light nih an kan kham, ka mawṭaw thlalang in ka bih cu SAC ralkap pawl Mayor mandat lei ah an tli chih. A thimi le aa khongmi cu ṭha tein ka thei lo” tiah a puahnak pawng a ummi mawṭaw mawng pakhat nih RFA ah a chim.

Bom a puah bak in SAC ralkap pawl nih Sulay pura lam, Maharbandula lam, Kanna lam hna cu an phih i mawṭaw pawl an check tiah a chim.

Khuachung a dotu Dark Shadow phu nih a tu bantuk bom puah hi kan mah nih kan tuahmi a si tiah an facebook cahmai ah an tar.

Mipi pawl phungning loin a tlaitu SAC nih tuahmi titoih puai ah i tel loding in a cathanh ah a telh chih.

A rauh hlan ah a phandingmi kawl titoih puai cu SAC nih Yangon ramṭhen telh in ram pumpi ah tuah a timh. Himnak a ṭhatnak hmunhma le Covid-19 he pehtlai in himnak a umnak hmun pawl ah tuah a si lai tiah SAC biachimnak nawl a ngeitu Major-General Zaw Min Htun nih a chim.

Na ruahning rak langhter ve.. (Leave a comment)

%d bloggers like this: