Yangon Sipin Committee Thimnak Ah NLD Nih 99% Tluk Teinak An Hmuh

TCP-Thantlang| 2019 April 2| March 31 ah tuah mi Yangon khuacung sipin Committee thimnak chungah NLD party chungin minung 90 an i zuam i minung 89 nih teinak an hmuh tiah sipin committee zohfeltu bu nih cathanh an chuah.

Tutan Sipin Committee si dingin aa zuam cawh mi palai 272 chungah mi sawhsawh (party chungtel a si lo mi) chungin minung 160 an i zuam i 160 chungah   Sipin Committee Chairman zaka teinak an hmuh mi telh in an zapi minung 16 nih teinak an hmuh ve.

Yangon sipin Committee thimnak chungah kum 18 in a  cunglei hna nih mee an pek hna. Yangon Sipin Area chung ah khua pi 33, sangthen 613 a um i hi chungah mee peknak zung 2879, mee a pe kho ding minung 3.4 billion leng an um tiah Yangon sipin thimnak lei tawlrel tu hna nih thanh ca an chuah.

Yangon sipin Committee Vice Chairman zaka tel in Committee minung 6 caah aa zuamcawh mi 27, Committee Chairman minung 33 zaka caah aa zuamcawh mi 99, Secretary i minung 33 zaka caah aa zuamcawh mi 74, Secretary II minung 33 zaka caah aa zuamcawh mi 72 an dih lak minung 272 Yangon sipin Committee si dingin aa zuam cawh mi an si hna tiah kan theih. (Ref:The Voice)

Na ruahning rak langhter ve.. (Leave a comment)

%d bloggers like this: