Yangon University Cu Vawlei Cung University 30,560 Ah 7116 Rank A Phan

Salai Bawi Lian Sang| TCP-Kalay| October 24, 2020| Yangon University cu Vawlei cung university tahnak dirhmun ah (7,116) tiang a phan tiah Rampi Fimthiamnak zung nih a chim.

Vawlei cung ah cozah university, Private university dihlak (30,560) hlei an um. Mah lak ah Yangon University cu (7,116) nak a phan.

NLD cozah a kai hnu 2016 kum ah Yangon university cu vawlei cung tah nak dirhmun (13,072) an rak si i, 2020 kum ah cun (6,000) hlei a kai tinak a si.(

Manday University zong 2016 kum vawlei cung University dirhmun (20,700), ASEAN dirhmu (1090) an rak si. 2020 kum in Vawlei cung dirhmun (9,722) le ASEAN dirhmun ah (481) tiang a panh ve.

Vawlei cung ramkip ah University tahchunh nak ah an zoh mi ah cun, Cacawn mi zatuak, Research paper, Degree la tu, Master degree la tu, Professor a chuakter ning, University nih Degree a pek mi ah vawlei cung ramkip nih theih pi ning le chrihchan pekmi data(Citation) le rian kong he pehtlai in thimnak le Time Higher Education nih thawngzamhnak a tuah.

Vawlei cung University vialte lak ah Massachusetts Institute of Technology(MIT) nih pakhat ah a hmu mi US Univeristy, ASEAN ram chung ummi National University Of Singapore (NUS) cu vawlei cung dirhmun(11) nak le Nanyang Technological University, Singapore(NTU) nih dirhmun(13) a hmu mi University an si.

Myanmar ram chung university dirhmun tahnak ah Yangon University nih pakhatnak, World Ranking ah( 7116)nak le Kalay University myanmar dirhmun ah (34) nak World ranking ah (26,616)nak le Chin Christian University Myanmar ranking dirhmun ah (50) nak le World ranking ah (29,175)nak  hna an si.

Yangon Unversity dirnak 1920-2020 kum (100)tlinnak cu a ra dingmi December(1) ni  Yangon University hmun ah sunglawi tak in tuah an timh tiah thawng kan theih. Ref: The Ladies News

Na ruahning rak langhter ve.. (Leave a comment)

%d bloggers like this: