Yangon Zophei Mino Ihawikomnak Kum (10)Tlin le Lentecelh tinak Puai an tuah lai

0

Yangon Zophei Mino/ Thomas Liankham

Salai Josephbawi| 2019 September 16| Yangon um Zophei Mino Ihawikomhnak Kum (10)tlinnak le Lentecelhtinak Puai cu September 27-28, 2019 North Dagan Mawahta Stadium, Yangon ah an tuah lai tiah theih a si.

“Yangon mino ihawikomhnak kum (10) kan tlin khawhnak hi Pathian thawng a si. Mino kan chan a si. Hi ihawikomhnak le cawlcanghnak nih kakip in thanchonak a kan pek tihi mithmuh kuttongh a si. Hmailei zong Zophei unau lungkhat tein Chin ram thanchonak caah santlai kan si venak hnga cawlcanghnak kan tuahmi hi a si” Yangon Zophei Youth Fellowship President Thomas Lian Kham nih The Chinland Post ah a chim.

“Yangon ah Zophei mino 300 fai kan um I Lentecelhnak pumpululh pa le nu volleyball team (13) in tuak a si. September 27 cu rehearsal cawlcang chunnak kan ngei lai. A ni tak cu September 28 ah a site lai. Puai Onnak ah biachimtu dingin Dr. Anna Sui Hluan, Dr. Lian Hmung Sakhong, Rev. Biak Hnin le Yangon Zophei Mino aiawh in keimah Thomas Lian Kham le Hlasakpiaktu ah Mai Sung Tin Par le Mercy Ha Ling Awi zong kan sawm hna. Biak Hlei Sang le ahawi nih music lei tuanvo lakpiak ding bawmhhal an si” tiah a biapeh ah a chim.

 

About The Author

Na ruahning rak langhter ve.. (Leave a comment)

%d bloggers like this: