Ye Khua Myawaddy Bank Himnak A La Mi Kan Kah Hna Tiah Ye Bilu Phu Nih An Thanh
The Chinland Post | 2023 September 27 — Mon ram, Ye khua laifang ah a um mi Myawaddy Bank ah himnak a la mi SAC ralkap pawl cu September 26 ah kan kah hna tiah Ye Bilu phu nih an thanh.
Hramhram in uknak lak a si hnu ah Myawaddy Bank ah himnak a la mi SAC ralkap pawl an kah hna hi a si.
“Mipi umkal mi an thian liote ah kahdohnak kan tuah” tiah Ye Bilu phu hruaitu nih a chim.
SAC ralkap pawl aa hliam mi an um ko nain hriam bel an la kho lo tiah a chim.
“Kanmah lei kan him. Khua laifang ah M4 a sau mi hmang in kahdohnak kan tuah khawh” tiah Ye Bilu hruaitu nih a chim.
Ye Bilu phu nih September 18 zong ah Ye khua laifang ah SAC kuttang palek bawi pakhat an rak kah i a thi bel cang.
