Ye U Ah A Um Mi Pyusawthi Sakhaan Drone In Bom Thlaknak Ah 4 An Thi
The Chinland Post | 2023 September 6 — Sagaing ramṭhen, Ye U peng ah a um mi pyusawthi sakhaan cu Drone in bom an thlak hnawh hna i 4 an thi tiah Taze Wings sin in thawng theih a si.
August 31 ah Ye U peng, Aungthayar khua ah a um mi pyusawthi pawl sakhaan cu Taze Wings le adang Drone phu pawl bawm in an va doh hna caah pyusawthi 4 an thi, dothlennak phu pawl him tein an kir kho tiah theih a si.
Cun Sagaing ramṭhen, Taungkya khua ah hmunhma an khuarnak SAC ralkap sakhaan cu hriamngan in an kah hna tiah Young Wolf Local PDF nih a thanh ve.
Kahdohnak pawl hi Young Wolf Local PDF le PDF phu pawl bawm in an tuah mi a si i SAC lei a thi mi le hliam a tuar mi fehter khawh a si rih lo tiah an langhter.
