YeHtwat Khuate Kahdohnak Ah Meithal Zuun 2 le Kuan Pawl An Lak Khawh
The Chinland Post | 2023 September 26 — Mandalay ramṭhen, Mogok khua hnulei, Yehtwat khuate ah hmunhma a khuar mi SAC ralkap sakhaan an kah hna i meithal zuun 2 le kuan pawl an lak khawh tiah Mogok hrambunh Battalion sin in thawng theih a si.
September 26 zinglei sml 5:15am hrawng ah Mogok khua hnulei, Yehtwatgyi khuate ah a um mi SAC ralkap sakhaan cu PDF B1221, B1223 le TNLA phufonh hna nih an kah hna i zinglei sml 6:30am tiang sml 1 leng kahdohnak a rau i meithal 1, pistol 1 le 5.56 kuan pawl an lak khawh.
Kahdohnak chung ah a thi mi cazin hi a fiang theih a si rih lo tiah Mogok hrambunh PDF phu nih an langhter.
September 26 zinglei sml 5:00am hrawng ah kaphnih karlak kahdohnak a chuah hi a si i sml 6:00am hrawng ah a dai tiah khuami hna nih Khit Thit ah an chim tiah Khit Thit nih a langhter.
About The Author
