Yesagyo Khuachung Ah SAC Ralkap Pawl Bomrap An Puah Hnawh Hna I 6 An Thi
The Chinland Post | 2023 March 8 — Magway ramṭhen, Yesagyo khuachung ah SAC ralkap pawl bomrap an puah hnawh hna i SAC ralkap 6 an thi kho tiah Yesagyo PDF sin in thawng theih a si.
March 7 zaanlei sml 4:00pm hrawng ah SAC ralkap 60 hrawng nih khuate tampi ah lutchuak in an kir lei, Katkyaw phungki sianginn luhnak an phak ah Yesagyo PDF nih bomrap an puah hnawh hna tiah theih a si.
“Bomrap puah ruang ah a hmai deuh kal mi 4 an i hlorh dih. A hnulei 2 an tlu” tiah Yesagyo PDF rianngeitu nih Khit Thit ah a chim.
Kahdohnak chung in PDF pawl him tein an kir kho tiah theih a si.
About The Author
