Yinmarbin, Pekone Khua Ah SAC Ralkap Hriamngan Nih Kum 10 Hngakchia A Thah
The Chinland Post | 2023 August 16 — Sagaing ramṭhen, Yinmarbin peng, Pekone khua ah a um mi SAC ralkap nih hriamngan an kah ruang ah kum 10 hngakchia 1 a thi i adang minung 5 an i hliam tiah Khit Thit nih a langhter.
August 15 zaanlei sml 3:00pm hrawng ah Aungzeyar tlang cung in SAC ralkap nih hriamngan an kah mi cu Pekone khuachung ah a tlak caah hngakchia 1 a thi tiah theih a si.
SAC ralkap pawl nih Pekone khua ah hriamngan an kah hi a voi 2 nak a si cang i a voikhatnak hi Palek Battalion 28 nih April 12 ah an kah i kum 13 hngakchia 1 a rak thi, kum 80 tarnu 1 zong aa rak hliam tiah theih a si.
