Yinmarbin Peng Ah Mipi Sin In Tangka Hal Ding Aa Thawh Mi Palek Pawl An Kah Hna, 3 An Thi i Meithal Zuun 3 An Lak Khawh
The Chinland Post | 2023 October 4 — Sagaing ramṭhen, Yinmarbin peng ah mipi pawl sin in tangka hal ding aa thawh mi palek pawl an kah hna i 3 an thi, meithal zuun 3 an lak khawh tiah Cho Myaing Myaing Yinmarbin peng dothlennak phufonh nih thawng an thanh.
October 3 zinglei sml 6:00am hrawng ah Yinmarbin peng, Thitagu phungki sianginn ah hmunhma a khuar mi palek pawl nih mipi sin ah tangka hal ding an i timh lio ah Cho Myaing Myaing dothlennak phufonh nih an kah hna i palek bawi 1 le Corporal 2 an thi tiah theih a si.
Kahdohnak hi Cho Myaing Myaing Yinmarbin peng Commando phu nih an tuah mi a si i minute 7 hrawng lawng a rau mi kahdohnak chung ah G3 zuun 2, Uzi zuun 1 an lak khawh i him tein an kir tiah theih a si.
