Yinmarpin kahdohnak ah kum 19 PDF hriamtlai pakhat a nunnak a liam

0

The Chinland Post | 2022 March 12 – Sagaing ramṭhen, Yinmarpin peng kahdohnak ah kum 19 lawng a si rihmi mipi hriamtlai Lin Khant Kyaw cu hriamngan nih a khen caah a nunnak a liam tiah PDF sin in theih a si.

“Kan hawi pakhat a nunnak a liam. Kan mah phu chung cun a si lo. Hriamngan ci nih a peh caah a nunnak a liam” tiah Yinmarpin rian ngeitu pakhat nih Mizzima ah a chim.

Mauknone khua phungki sianginn lei mipi hriamtlai pawl an umnak Tadaung lei ah SAC ralkap nih hriamngan in a khen caah March 11 zinglei ah a nunnak a liam tiah a chim.

Yinmarpin kahdohnak ah a nunnak a pemi Lin Khant Kyaw upat peknak cu People Defense Force – South Monywa nih cathanh an chuah.

A mah hi dai tein duhlonak langhter lio ah thatho tein aa teltummi a si bantuk in SAC ralkap nih a hrannak in an kan lehrulh caah hriamtlaih dirhmun a phanh hi a si.

“Hramhram uknak doh in duhlo-langhternak ah chai he ral a tumi a rak si. Yinmarpin peng ah trainning a pek pah in kahdohnak ah aa tel. Hriamngan nih a khen timi thawng a rak thang. Kahdohnak thil fiang cu theih a si rih lo” tiah People Defense Force – South Monywa rian ngeitu Alexander Aaron nih a chim.

A nunnak a liammi Lin Khant Kyaw cu dai tein i din cang sehlaw hramhram uknak hrawh dingin a taangmi na hawile nih kan pehzulh rih ko lai tiah PDF – South Monywa nih a thanh.

About The Author

Na ruahning rak langhter ve.. (Leave a comment)

%d bloggers like this: