Yinmarpin-Mattara karlak ah ralhrang 16 leng an thi

The Chinland Post | 2022 March 4 – Sagaing ramṭhen, Yinmarpin peng, Shwetaungoo in a rak ṭummi ralhrang cu March 4 chun sml 11:11am hrawngah Cap.Htuntauk hruaimi TTPDF phu le a dang mipi hriamtlai phu hna nih meng 5 hauka ah bom an puah hnawh hna caah ralhrang 4 leng an thi tiah TTPDF nih a thanh.

Bom an puah dih hnu ah, ralhrang pawl hmunhma an laknak Banbwe khua ah ralhrang mawtaw 2 a rak phan chap tiah theih a si.

Mandalay ramṭhen, Mattara peng Ingyinmyaing van khamnak ralkap 24 cu cycle 12 in Kyaukselay khua le Kinkye khua karlak ah March 4 zinglei sml 11:00am hrawngah mipi hriamtlai phu 2 hna nih bom an puah hnawh hna caah ralhrang 12 leng an thi tiah PDF-Mattara sin in theih a si.

Cu bom puah hnawhnak cu PDF-Mattara le PDF-Mandalay hna fonh in tuahmi a si i bom puah hnawhnak a dih in kahdohnak tlawmpal a chuak. Ralhrang lei nih Mizaw phorhnak mawtaw 2 le probox 2 in aa hliammi le a thimi cu an phorh hna tiah theih a si.

Na ruahning rak langhter ve.. (Leave a comment)

%d bloggers like this: