Youth Corner Le Hakha Sianghleirun I Bawm In Mon State Caah Ks. 4,662,000 An Bawmh Hna

Salai CungCung|2019 August 28|  Mon State kokek hartongmi caah Youth Corner  member, Hakha um mi Sianghleirun pawl GTI, CCU, Hakha College i fonh in Hakha khuapi  chung ah vah in bawmhhalnak an hmuhmi zapi Kyats  4,662,000 bawmhnak an va pek hna tiah kan theih.

“Kanmah Youth Corner member pawl le Hakha um Sianghleirun Siangngakchia i fonh in Hakha khua chung ah bawmh kan hal hna i cu kan hmuh mi zapi cu kokek hartongmi Mon State kan va bawmh hna.  Hi bawmhnak cu keimah pumpak ka va kal i August 24 ah kan va pek hna” tiah Dr. Cung Pi nih The Chinland Post ah a chim.

“Kanmah Youth Corner member nih tubantuk bawmhnak kan pekmi hi tu ah hin cun avoi hnihnak a si cang. Avoi khatnak ah Hakha mino nih Paletwa kokek hartong mi le ralzaam hna kan rak bawmh hna hlan ah khan Youth Corner min in kanmah le theihhngalh mi sin ah bawmh kan hal hna i Sing 26 kan rak bawmh bal hna. Tutan he cun avoi hnihnak a si ve cang” tiah a chim chap.

Leave a Commnet

%d bloggers like this: