Zawtnak a chuahtertu rungrul in khamhnak – Na kut i tawl

0
(COVID-19 Runvennak Caah Capar ) – Atu le tu in kut tawlnak cu COVID-19 zawtnak rungrul i khamhnak caah a man fawibikmi, tuah fawibik le a biapi tukmi runvennak pakhat a si. Ngakchia cu an kut thiang tein chiah an herh. Kan fale kha ngandam tein le zawtnak khamh khawhnak ding caah kut tawl abiapitnak le kut tawl ningcang pawl cu tha tein kan chimh hna a biapi tuk. Covid-19 zawtnak karh caan chungah zeitluk in dah kut tawl a biapitnak kong le zeitin dah midang sinin rungrul chawnh khawh lonak ding ah kut tawlnak in kan i khamh lai timi pawl cu theih a herh ngaimi hna an si. A tanglei ahhin zeitik caan ah dah kut tawl ding timi kong le zeitindah kut kan i tawl lai timi langhternak tuah a si.
 
Zeitik caan ah dah tawl ding?
• Ti kholhnak khan chung in na chuah can poah ah tawl ding
• Mibu sin in na um hnu can paoh ah kut tawl ding
• Rawl na timh caan, na chuan lio le na timh hlan ah tha tein
tawl ding
• Rawl na ei hlan le ei hnu ah tawl ding
• Inn ah pakhatkhat chungtlik in a zawmi asiloah aa luakmi hna na zohkhenh hlan le zohkhenh dih hnu zong ah tawl ding
• Zunput a hmangmi ngakchia taw-dengh (diaper) thlen hnu zunput a hmanmi na fimpiak dih caan poah ah tawl ding
• Na hnar na tongh hnu, na khuh na khuh dih asiloah
hachio dih caan poah ah tawl ding
• Inn zuat satil na tongh caan le rawl na pek dih caan asiloah saram phaw le hmul hna tongh dih caan poah ah kut tha tein tawl ding
• Inn zuat satil pawl an rawl na tongh caan le rawl na dangh dih in
kut tawl ding.
• Hnawmbawm na tongh hnu caan ah tawl ding
 
Zeitin?
A cinmi na kut kha a thiangmi ti (a lummi siloah a daimi) in thiang tein tawl ding. Pipe kha phih tak ding. chaphiat hman ding.
Chatpiat buan chaphiat hmang in na kut kha hnor in tawl ding. Na kut dong pawl karlak le na kut tin pawl zong kha thiang tein chaphiat in tawl ding.
Hnuai a tlawm bik second 20 ah na kut I hnuai lengmang ding. Caan ralrinnak peknak hna na herh sual maw? “Happy Birthday” timi hla kha na aw thang tuk loin a dongh tiang voi hnih na sak khawh.
Ti in tlengh na kut kha a luangmi ti a thiangmi he tlengh lengmang ding.
Ro ter na kut kha a thiangmi towel le thli in ro termi hmang in ro tein chiah ding.
 
Chatpiat um lo tikah kut tawlnak sanitizer hman khawh a si maw?
Inn na um caan ah chatpiat an dih tak asiloah mipi hmanmi zunput hna ah chatpiat um lo tikah, na kut cu naa tawl hrim hrim a herh. Khi tikah kuttawlnak sanitizer cu alcohol 60% aa telmi a si caah na takpum chung in zawtnak rungrul hna kha a khamh khawh. Cu ruangah kuttawlnak sanitizer cu na hman khawh, nain na kut i chiti asiloah a hnawmmi hna cu a thianter dih kho lai lo. Asikhawh ahcun kut tawl kha a tha bik. Sihmanhsehlaw, sii-zung, sii- khan, mipi hmanmi bus asiloah mibu umnak hna kal tik ahcun kuttawlnak sanitizer cu i ken zungzal ah a tha.

About The Author

Na ruahning rak langhter ve.. (Leave a comment)

%d bloggers like this: