Zion Tipil Khirhfabu Nih Cheuhra Cheukhat In Ks. Sing 5000 Hmuhding An I Tinh
HBC biakinn/Photo: The Chinland Post
Salai Cung Cung |2019 January 30| Hakha Baptist Khirhfabu pathum cheuhra cheukhat hmuhzat le 2019 tinhmi zat ah Hakha Zion Baptist Church a tambik, ks. sing 5000 bak hmuhding in an i tinh tiah kan theih.
“Kan Khirhfabu cheuhra cheukhat cu Pathian dawtnak thawngin kum fatin kan i tinhmi nak tamdeuh kan hmuh lengmang ko” tiah Zion Tipil Khrihfabu in Senior Pastor Rev. Dennis Ngun Thawng Mang nih The Chinland Post ah a chim.
Hakha Baptist Khirhfabu pathum cheuhra cheukhat hmuhmi le tinhmi cu; nikum HBC nih cheuhra cheukhat an i tinhmi Sing 3000 chung ah Sing 3200 leng an hmuh. 2019 kum cheuhra cheukhat hmuhding in an i tinhmi cu Sing 3300 a si. Nikum Zion Baptist Church nih nikum cheuhra cheukhat an i tinhmi Sing 4000 chungah Sing 5000 leng an hmuh. 2019 kum chung cheuhra cheukhat an i tinhmi cu Sing 5000 a si. Nikum IBC nih cheuhra cheukhat hmuhding in an i tinhmi Sing 1800 chung ah Sing 2600 an hmuh. 2019 kum chung ah cheuhra cheukhat hmuhding in an i tinhmi cu Sing 2500 a si tiah tuanvo ngeitu upa hna sin in kan theih.
IBC khrihfabu hi member 2000 le inn 512 an si. HBC khrihfabu hi member 2880 le inn 628 an si. Zion khrihfabu hi 2862 le inn 640 an si tiah kan theih.
About The Author
