Zokhua thar ah Myanmar ralzaam hna caah man pek a hau lomi siikhan an awn

The Chinland Post | 2022 May 20 – Mizoram, Zokhua thar khua ah Myanmar ralzaam hna nih man pek loin an i thlop khawhnak hna Myanmar Refugee Clinic cu May 18 ah Mizoram Minister of Transport and Forestry Pu TJ. Lalnuntluanga nih onnak a tuahpiak hna tiah theih a si.

Siikhaan cu Nikhat ni in Ninga ni tiang on a si lai i CDM a tuahmi doctor pakhat le nurse pawl nih zoh a si lai tiah theih a si.

Siikhaan nih a herhmi pawl cu American a phanmi Chin mipi phu (ICA), biaknak lei phu CBANA le Mizoram siahngakchia phu, Myanmar Refugee Relief Committee, Mizoram hna nih an tawlrel.

Siikhaan chungah, Mizoram cozah nih chuahpiakmi Refugee ID Card a ngeimi vialte man loin thlopbul a si lai i a hartukmi cu sii man 50% lawng lak a si lai tiah theih a si.

Zokhua thar hi Falam peng, Rihkhawdar khua khatlei ral ah a ummi khua a si i cu khua ah Myanmar ralzaam chungkhar 700 leng le mipi 3,800 leng an um.

Ref: Zalen

Na ruahning rak langhter ve.. (Leave a comment)

%d bloggers like this: