Zophei Baptist Church Indianapolis nih Camp Victoria UCCF Khrihfabu Sing 50 le Thilri Bawmhnak An Pek

Camp Tlawnnak/ Camp

Salai Josephbawi| 2020 March 3| US hrambunh Zophei Baptist Church, Indianapolis nih Chin National Front Headquarter_Camp Victoria um United Chin Christian Fellowship (UCCF) caah tangka sing 50 le thilri, Zophei Family Network of America (ZFA) nih Tlangpi Chin National Army Camp Tipipe cawknak caah sing 5 cu February 26, 2020 ah ZPBA Silver Jubilee a rak zawhmi Khrihfabu minung (26), Thantlang CNF Liaison Office Incharge Pu HC Ral Hnin le ZPBA GS Rev. Nehemiah Za Thang hna telh in an va tlawnnak ah bawmhnak an va pek hna tiah thawng kan theih.

Camp Victoria UCCF khrihfabu caah Kawlram tangka sing (50), Facang tun (13), chiti cawi ( 10) le eidin pawl, ZFA nih Tlangpi camp dinti tipipe cawknak caah sing (5) an phorh hna.

Hi kong he pehtlai in Zophei Baptist Church, Indianapolis Church upa pakhat nih “ Kawlram kan tlung he aa ton caah Pathian nih thluachuah a kan pekmi chungin laksawng phorh hna usih tiin kan ti khawh tawk te chimtlaklo kan phorhmi a si. Hmailei zong hi nak tam in bawmchan ding kan izuam lai, kan pekthenh hna lai” tiah The Chinland Post ah a chim.

Chin National Front Headquarter a simi Camp Victoria cu CNF le Kawlram Cozah kahngol hnatlaknak 2012 an tuah hnatlakning in pekmi hmun a si Khrihfa a simi paoh Pathian thangthatnak caah UCCF an dirh I an pumh a si. Camp Victoria um United Chin Christian Fellowship (UCCF) ah ramchung ramleng a tlungmi Chin Khrihfa, zatlangbu le pumpak zong nih tlawnkai le bawmhnak an pek lengmang hna tiah theih a si.

Na ruahning rak langhter ve.. (Leave a comment)

%d bloggers like this: