Zophei COVID-19 Response Committee Nih Zophei Tlang Khua (21) ah COVID-19 Ralrin Runvennak An Tuah

0

Zophei COVID-19 Response Committee/ZPYO

TCP-Hakha| 2020 May 20| Zophei khuatlang khua (21) ah Zophei Youth Organization (ZPYO) dirhmi Zophei COVID-19 Response Committee nih COVID-19 zohkhenhnak, dohnak, khamnak le Cozah nawlchuahm pawl mizapi theihhngalhnak Vinyl cu May thla chungah khuakip mino bu le khuakip COVID-19 riantuantu he ibawm in tarnak an tuah tiah thawng kan theih.

“COVID-19 dohnak le ralrinnak caah tuan tein ZPYO lei zeitin dah kan kalpi lai timi kan iceih I committee hi kan van dirh. Kan riantuannak caah Zophei Family Network of America (ZFA) nih singhra (Ks.1,000,000) an kan bawmh. An cungah kan ilawmtuk hringhran. Kanmah lei zong nih kan ti khawh tawk kan izuam ve. COVID-19 runven ralrin dohnak Vinyl kan chuahmi pawl zong Khuachung ah pahnih, Khualuh khuachuahnak ah pahnih tiin Hakha a ummi Zophei mino le khualei mino he ibawm kan tar. Kan riantuannak ah bawmchan le pehtlaih khawh peng kan si” tiah Zophei COVID-19 Response Committee hruaitu Salai James nih The Chinland Post ah a chim.

Zophei COVID-19 Response Committee /ZPYO

 Zophei COVID-19 Response Committee cu ZPYO nih May 3, 2020 ah rak dirhmi a si i Coordinator ah Salai James, Information leaders ah Salai Apaw le Khuakip mino hruaitu le Treasurer ah Helen Dar Chin Mang le pum aa pe khomi chungtel minung (15) leng an si. Zophei Youth Organization cu 2008 kum April ah rak dirhmi a si i Leitak Area, Hriphi Area, Vuangtu Area, Khuabung Area le Hakha Area tiin Cozah pengkomh theihpinak Register (5/Hakha District/001) he khuatlang mino a lamkip thanchonak caah rian a tuan cuahmahmi an si tiah thawng kan theih.

About The Author

Na ruahning rak langhter ve.. (Leave a comment)

%d bloggers like this: