Zophei Idol Zuamnak Ah Mang Hlei Tial Nih 1st Runner Up A Ngah
The Chinland Post| 2019 May 13| May 9-12 tiang Modern Leitak ah tuahmi “Global Zophei Seminar, Lentecelhnak le Zuamnak a phunphun cu tlamtlingte in an lim. Hlasak (Idol) zuamnak ah Mai Mang Hlei Tial nih pakhatnak (1st runner up) laksawng ks. 500,000 a co tiah kan theih.
Idol zuamnak ah 1st runner up cu Congthia in Mai Mang Hlei Tial nih a co. 2nd runner up cu Aibur in Mai Van Rem Mawi le 3rd runner up cu Aibur thiamthiam in Mai Za Ci Sung nih an co. Tutan Zophei Idol ah pakhatnak a ngahmi Mai Mang Hlei Tial cu 2020 ZFA Conference-USA ah sawm ding timhtuah a si tiah kan theih.
Hi Seminar chungah Zophei Idol zuamnak, Zophei Miss zuamnak, Nu/Pa volleyball zuamnak, Hlaremh zuamnak, Paih zuamnak tuah ding a si i Paih pakhatnak laksawng Ks. 1,000,000, pahnihnak Ks.300,000, pathumnak Ks.200,000 le a dang zuamnak paoh laksawng cu pakhatnak ah Ks.500,000, pahnihnak Ks. 300,000 le pathumnak ah Ks. 200,000 a si lai tiah theih a si.
About The Author
