Zoram Nationalist Party Haotu; Kaladan Tlanglam Simanking Rianrangte In Tuanchuah A Herh
City Hunter| 2018 March 25| India ram Assam ramkulh le Mizoram ramkulh kar vawlei hmun buainak ruang ah Assam ramkulh lei nih chawlehthalnak lam a phih i Mizoram ramkulh sipuazi a hnorsuan khawh caah Kaladan tlanglam simanking hi rianrangte in tuanchuah a herhnak kong Mizoram in Zoram Nationalist Party Haotu nih a chim.
“Hi kong he pehtlai in Mizoram ramkulh chung sipuazi a hnorsuan dingmi dirhmun zohpiak chih in India-Myanmar ramhnih hnatlak ciami KMMTTP (Kaladan Multi-Modal Transit Transport Project) timi Kaladan tlanglam simanking cu rianrangte in tuanchuah a herh” tiah Zoram Nationalist Party haotu Pu Lalduhoma nih a chim.
“Cu pin ah Mizoram ramkulh le ramkulh dang pawl a pehtlaihtertu lam he pehtlai in Mizoram cozah nih biapi i a chiahlomi cung i a lungfahnak kong zong a chimh. Manipur le Tipura ramkulh he i pehtlaihnak lam zong remh an herh. Chin ramkulh ramri Zokhawthar i Land Custom Station zong thanchoter a herh” tiah a chimchih.
Cu bantuk in Assam ramkulh in chawlehthalnak lam an phih ahcun Mizoram mizapi nih thinphan thlalau awk um lo ding in le a herh ahcun Mizoram caah Tahan Mizo Thalai Pawl Central timi Tahan Mizo mino bu pawl timhcia in an um ko tiah March 15 ah an duhnak an thanh.
Ref: Khonumthung News
About The Author
