Zotung hmunhma ah kahdohnak a fak, CDF nih Auto meithal zuun 2 an lak khawh
The Chinland Post | 2023 February 9 — Chin ramkulh, Matupi peng, Zotung hmunhma, February 8 chun ah SAC ralkap le CDF phufonh hna karlak ah kahdohnak a fak i SAC ralkap lei in tampi an thi kho i Auto meithal zuun 2 zong an lak khawh tiah CDF-Zotung nih a thanh.
February 8 chun sml 12:00-2:00pm tiang SAC ralkap le CDF-Zotung, CNA, CDF-Matupi, CDF-Senthang, CDF-Lautu, CDF-Zophei phufonh hna karlak ah kahdohnak a chuak i CDF phufonh lei an him tiah theih a si.
Zotung hmunhma ah a luancia February 5 thok in SAC ralkap le CDF phu pawl karlak ah kahdohnak a fak i, SAC lei in 10 an thi, CDF-Zotung B.C telh in 2 an nunnak a liam cang i sualnak ngei lo mipi 8 zong khamhnak caah an tlaih hna tiah theih a si.
About The Author
