June 17, 2024

Bangladesh Ram Chung A Zaam Mi Myanmar Ralkap Rual Tilawng In Kuat Ding Tiah Myanmar Lei Nih Nawl An Hal Mi Bangladesh Nih An Duh Lo, Vanlawng In Rak La Uh Tiah Bia An Leh 

0

The Chinland Post | February 7, 2024 — Arakan ralkap AA nih SAC ralkap battalion le sakhan kahnak ah Bangladesh ramchung lut in a zaam mi SAC ralkap, palek 260 rual cu Tilawng in Myanmar ram lei kuat ding tiah SAC lei nih nawl an halnak cu Bangladesh nih an duh lo, vanlawng in rak la uh tiah bia an leh hna tiah theih a si.

Rakhine ram, Maungdaw peng ramri hngak palek, ralkap bawi le Custom bawi rual hna cu Myanmar ram ah tilawng in kuat ding tiah SAC nih nawl an halnak kong ah, Bangladesh cozah hunhimnak caah vanlawng in rak la uh tiah Bangladesh Foreign Ministry zung in Miah Md Mainul Kabir nih bia a leh hna tiah Turkey ram hrambunh Anadolu thawngzamhnak nih a langhter.

Myanmar kahdohnak ruangah Myanmar ramri um mipi hna cu Bangladesh ram chung a zaam mi an tam.

Rohinja ralzaam milu 1,000,000 leng Bangladesh ram ah an um cang ruang ah tu hnu ralzaam kan cohlan kho ti hna lo tiah Miah Md Mainul Kabir nih a chim chap.

About The Author

Na ruahning rak langhter ve.. (Leave a comment)