Banmauk ah KIA/PDF phufonh le SAC ralkap karlak ah kahdohnak a chuak
The Chinland Post | 2022 October 12 – Sagaing ramṭhen, Banmauk peng chung October 11 chun ah KIA/PDF phufonh le Namaw khua ah a rak lutmi SAC ralkap hna karlak ah kahdohnak a chuak tiah theih a si.
A luancia ni pawl zong ah kahdohnak a chuak i SAC ralkap lei a thi mi an tam caah chikhat an tlau i October 11 ah an rak chuak ṭhan tiah theih a si.
“A hlan kahdohnak pawl ah SAC ralkap a thi mi an tam i hriam zong kan rak lak khawh. Kanmah phufonh lei in hliam a tuar mi zong an um ve” tiah Banmauk Revolution – BM Team nih a thanh.
Cun ramlak ah mehhang a kawlmi chungkhar bomrap an i lamh sual caah nu pahnih an thi i a tangmi chungkhar zong an i hliam tiah theih a si.
SAC ralkap nih hriam an thlah thlorhnak ah mipi 1 a paw ah aa hliam i an thlop lio a si tiah kan theih.
October 6 ah Banmauk thlanglei Simaw le Taunggyi khua cu SAC ralkap nih voi 6 bom an thlak caah mipi inn cheukhat a rawk tiah theih a si.
About The Author
