Chin Ramkulh Cozah le MP Pawl Pehtlaihnak Kan Chambau Tuk; MP Ni Sui Lian
Salai Ngun San Aung| 2018 February 10| Chin ramkulh cozah le Chin MPs pawl kan ipehtlaining a chambau tuk tiah Thantlang peng Pyituh Hluttaw in MP Sayamah Ni Sui Lian nih The Chinland Post ah a chim.
“Chin ramkulh cozah le MP pawl nih hin Amyotha le Pyituh Hluttaw (Ramkomh Hluttaw) palai pawl hi an kan pehtlaih lo tuk lengah kanmah nih kan pehtlaih hna zong ah lung khan in rian kan tuanti kho lo.Hihi kan rian tuannak ah hlawh tlin lo ngaingai pakhat a si” tiah MP Sayama Ni Sui Lian nih a chim.
Ramkulh le Ramthen dang cozah phu le ramkomh hluttaw palai pawl tam deuh cu thlaruk voikhat tal tonnak an ngei hna. Sihmanhsehlaw, Chin ramkulh cozah phu nih ramkomh hluttaw Chin MPs pawl cu tonnak voikhat hmanh an tuahpi rih hna lo i rian zong an tuanti tuk lo tiah kan theih.+++
About The Author
