June 17, 2024

Hakha Ah Passport Tuah Tik Ah Puaisa Man Sing 4 le Cheu Hrawng A Dih

0

The Chinland Post | 2023 March 6 — Chin ramkulh, Hakha khua Passport zung ah puaisa he Passport tuah duh ahcun tangka sing 4 le cheu hrawng a dih tiah theih a si.

February 24 ah SAC nih a awn ṭhan mi Passport zung ah Passport tuah duh a si ahcun Booking lak hmasa a hau nain a ruang tampi ruang ah puaisa he a tuah mi an tam thluahmah tiah theih a si.

Hakha khuachung Passport zung ah Passport a tuah mi pawl hna nih tangka 35,000 lawng dih in tuah khawh a si nain Hakha khuachung mi lawng siloin Sagaing ramṭhen le hmundang in manh lo bu le harsa ngai in a rak tuah mi an tam caah atu bantuk in puaisa an lar hi a si tiah theih a si.

Atulio Hakha khuachung Passport zung nih nikhat ah minung 100 lawng an tuahpiak hna i zarh fatin nikhat ni zinglei sml 7:30am in zaanlei 4:00pm tiang sawk khawh a si i cozah zung khar ni ahcun ni cheu lawng an tuahpiak hna tiah theih a si.

About The Author

Na ruahning rak langhter ve.. (Leave a comment)