June 17, 2024

Homalin kahdohnak ah SAC ralkap 8 nak tlawm lo an thi, hriam cheukhat zong an lak khawh

0

The Chinland Post | 2023 January 10 – Sagaing ramṭhen, Homalin ah ni 3 chung kahdohnak aa peh i SAC lei in 8 nak tlawm lo an thi i hriam cheukhat zong an lak khawh tiah HPDF124 sin in thawng theih a si.

January 5 zinglei sml 5:00am hrawng ah Homalin peng Natnan dawr pawng gate ah a um mi SAC kuttang SNA le SAC ralkap 100 hrawng an kah hna i kuan cheukhat le raltuknak thilri cheukhat an lak khawh tiah thawng theih a si.

January 5-8 tiang SAC kuttang SNA pawl nih kahdohnak an tuah rih caah HPDF124,  Homalin B01, HPDF hna nih an kham peng ve hna.  Kahdohnak chung ah mipi hriamtlai lei in 1 fak tuk lo in aa hliam, SAC lei a tlawm bik 8 nak tlawm lo an thi i hliam a tuar mi pawl kha Naungpo sizung ah an thlop hna tiah theih a si.

Mipi hriamtlai pawl nih January 9 ah hmunhma zohfelnak an ngei i SAC ralkap ruak 2, kuan, kuanbawm, phone, hriamngan kuan hna an lak tiah theih a si.

About The Author

Na ruahning rak langhter ve.. (Leave a comment)